失而復得

失而復得的感覺實在是很難形容.  好興奮, 好激動, 好想哭. 

 

7月1日帶兩兄弟去散步, 我地如常地去河邊一個好安全的地方和其他放狗朋友們一起.  有人見奀豬咁細膽就嚇下佢諗住同佢玩.  點知奀豬嚇到連我都唔認得, 一支戰過了兩條馬路跑回家.   佢跑得好快, 我追到去叫住奀豬 “你噃黎啦”.   佢依然處於極度驚慌, 繼續逃跑.  之後我就再見佢唔倒.  我和老公兩人不停咁分頭搵, 又貼尋犬啟示.  搵到第二日, 我地已經好絕望.  好被動地希望會有有心人搵到奀豬打電話比我. 

 

奀豬差不多唔見左24小時, 我在絕望之時接到漁護處打來的電話, 通知我有人發現疑似我昨天報失的小狗, 叫我立即打電話給發現小狗的人.  發現小狗的人告知他所在位置, 我便飛的士去那個屋村停車場. 

 

果然係奀豬.  有四個有心人幫我圍住佢, 等佢唔好再逃跑.  我慢慢行近叫奀豬奀豬, 但佢都重係好驚好想走.  我再嘗試好慢好慢地接近佢, 佢臭下我隻手終於認得向我擺尾, 我攬實佢哭了出來. 

 

真係好多謝四位恩人, 如果唔係佢地夠機警打比漁護處, 我可能不會再有機會見到奀豬. 

重有家姐和表妹.  响我絕望時, 佢地並沒有放棄繼續幫我搵. 

最後, 我好想多謝個天.  我沒有宗教信仰, 不過我覺得今次係因為有上天保佑, 奀豬先可以安全地回我身邊. 

 

今次對我是很大的教訓.  從始, 無論放狗的地方有幾安全, 都要帶著狗帶帶他們行.

 

我地事後上GOOGLE MAP 查過, 奀豬跑左4公里去到那個屋村停車場.  佢過左幾條馬路, 穿過行人隧道, 最後他仍然安全活著, 等我接噃佢.  係奇蹟. 

 

 

返到屋企, 奀豬終於可以好好眠一眠.