沙沙和豆豆

Fraxel Restore continue

第3 日， 開始見到一點點黑色浮出黎。

個鼻有小水泡。不過唔痛.

第四日， 都係好似晒傷左，有小小痕。

第五日， 好黑呀, 重有啲脫皮。
好期待脫完皮後的新皮膚呀！

Fraxel Restore

我面部皮膚嘅毛孔同凹凸洞一直困擾左我好耐.  聽過果酸換膚好WORK，不過DOWNTIME比較長。 上兩星期偶爾發現呢種LASER可以幫到手, 我好心急, 做左些少資料搜集後就馬上BOOK浸會醫院皮膚科做FRAXEL LASER.  我選佢地, 因為聽講佢地好細心. 

見醫生後先了解到FRAXEL有分RESTORE 和REPAIR.  REPAIR係比啲情況比較差嘅.  例如好多好深皺紋, 或凹凸洞又多又深嘅, 復原時間須要耐啲.  而我嘅情況醫生建議我用RESTORE, 痛嘅程度亦比REPAIR為低. 

簽好呢份程序須知, 姑娘幫我影相後教我點搽麻醉藥. 














我只係做局部.  搽麻醉藥後30分鐘左右便可以做喇.  好緊張呀!!!



過程10分鐘左右， 做時唔覺痛，但做完覺得好熱都幾痛。 不過頂得住。

返到屋企，不出兩小時就唔痛喇。  又影下相先。  小小腫腫， 小小紅紅， 又幾好睇：）

新增說明文字

DAY 2， 好似晒傷左咁。 不過沒腫， 可以照常上班。

家庭照

一輯令我愛不惜手嘅相

豆豆肥大嘅身軀, 就快脹爆件衫.  實在無法扣埋最後粒鈕.

奀豬天生身型細小, 重有一副長唔大嘅專容.

網上團購嘅攝影套餐, 幾舊水包一本小相薄和一張大相連相架.  佢地完全沒HARD SELL任何嘢, 有良好嘅服務態度.  一次愉快嘅經驗. 唔錯

誤打誤撞馬屎洲

今日我提議去大尾篤行下, 去到燒烤埸嗰面等左1/2小時都拍唔倒車.  Daddy提議轉場去三門仔.

入村喇, 有D咩睇呀?

响士多買D嘢飲下

條村原來係政府給漁民的居所, 每戶不足三百尺.  我見佢地每一戶都係開住門, 我諗D治安一向好好.

有雲吞面食喎.

呢條路係通去馬屎洲.  半小時路程好近啫, 起程

好攰呀! 休息下先. 

沿途有好多好大嘅山墳, 背山面海.

到馬屎洲喇.  嘩! 個石灘唔多靚

馬屎洲都幾大, 行完來回程要兩小時.  我地沒行晒.

個洲有好多岩石睇. D岩石係兩億八萬年前形成

 馬屎洲

 

星期六, 有節目

今日見沒馬跑, 即係彭福有開。 好啦, 再同兩個小朋友去彭福放電之後先出去同朋友食飯啦. 

玩左兩粒鐘, 係時候返屋企洗白白教教豬.




ERDINGER啤酒甜甜地, 好易入喉.

德國菜, 唔知叫咩嘢粉糰.  又幾好食喎. 

新學識用手機嘅PANORAMA MODE 就可以影倒張咁嘅相.